„სოკარ ენერჯი ჯორჯიას“ გენერალური დირექტორის, მაჰირ მამმედოვის ინიციატივითა და სახელმწიფო მინისტრის აპარატის ჩართულობით, ქვემო ქართლის რეგიონში მცხოვრები სოციალურად დაუცველი ოჯახები წინასაახალწლოდ საკვები პროდუქტების პაკეტებს მიიღებენ

• 2020-12-28 17:42:08

„სოკარ ენერჯი ჯორჯიას“ გენერალური დირექტორის, მაჰირ მამმედოვის ინიციატივითა და სახელმწიფო მინისტრის აპარატის ჩართულობით, ქვემო ქართლის რეგიონში მცხოვრები სოციალურად დაუცველი ოჯახები წინასაახალწლოდ საკვები პროდუქტების პაკეტებს მიიღებენ.

სასურსათო ნობათის დარიგება რამდენიმე დღეა, ქვეყნის მასშტაბით მიმდინარეობს- მათ შორის მარნეულის მუნიციპალიტეტშიც, სადაც ადგილზე პროცესს „სოკარ ენერჯი ჯორჯიას“ გენერალური დირექტორი, მაჰირ მამმედოვი, საქართველოში აზერბაიჯანის რესპუბლიკის საგანგებო და სრულუფლებიანი ელჩი, ფაიგ გულიევი, ქვემო ქართლში სახელმწიფო რწმუნებული, შოთა რეხვიაშვილი, მარნეულის მუნიციპალიტეტის მერის მოადგილე ლაშა ლობჯანიძე, მარნეულისა და გარდაბნის მაჟორიტარი დეპუტატი ზაურ დარგალი და მარნეულის საკრებულოს თავმჯდომარე ამირან გიორგაძე დაესწრნენ.