რუსთავში ახალი სამკერვალო საწარმო გაიხსნა

• 2020-12-28 21:57:39

პანდემიისა და მსოფლიო კრიზისის მიუხედავად, რუსთავში ახალი სამკერვალო საწარმო „ქართლი ტექსტილი“ გაიხსნა.
საწარმოში, რომელიც 4 თვეში აშენდა,  4000 ადგილობრივი დასაქმდება.

კომპანია „ქართლი ტექსტილს“ სამკერვალო საწარმოს ასაშენებლად სახელმწიფომ მიწა მასზე განთავსებული შენობა-ნაგებობით სიმბოლურ ფასად - 1 ლარად გადასცა. საწარმო სახელმწიფო პროგრამის „აწარმოე საქართველოში“ ბენეფიციარია. საწარმოს მშენებლობაში 20 მლნ ლარის ინვესტიცია განხორციელდა, საიდანაც 10 მლნ ლარი სააგენტოს „აწარმოე საქართველოში“ პროგრამის ფარგლებში აღებული სესხია.

„ქართლი ტექსტილი“ არის გაგრძელება იმ დიდი პროექტის, რომელსაც „აჭარა ტექსტილის“ ინვესტორები ახორციელებენ საქართველოში. ეს არის უკვე მე-4 საწარმო საქართველოს ტერიტორიაზე.

კომპანია „აჭარა ტექსტილი“ წლების მანძილზე თანამშრომლობს ცნობილ მსოფლიო ბრენდებთან, მათ შორის ისეთებთან, როგორიცაა Nike, ADIDAS, Lotto, Erima, New Balance და Under Armour. კომპანია 100%-ით ექსპორტზეა ორიენტირებული და წლიურად 15 000 000-ზე მეტი ერთეული პროდუქციის წარმოებას და ექსპორტს ახორციელებს.