მარნეულის მუნიციპალიტეტში საგზაო ინფრასტრუქტურის განვითარების მიზნით, მასშტაბური სამუშაოები ჩატარდა

• 2021-02-06 14:10:32

მარნეულის მუნიციპალიტეტში საგზაო ინფრასტრუქტურის განვითარების მიზნით, მასშტაბური სამუშაოები ჩატარდა.

ინფრასტრუქტურული პროექტების ფარგლებში, გზის კეთილმოწყობა, სოფელ თაზაკენდსა და ბურმაში განხორციელდა. აღნიშნული პროექტები, ადგილობრივი ბიუჯეტიდან 838 390 ლარით დაფინანსდა.

პროექტის ფარგლებში, სოფელ ბურმაში 1 200 მეტრის მოცულობის, ხოლო სოფელ თაზაკენდში, 2 479 მეტრის მოცულობის გზა დაიგო.

ასევე სოფელ ბურმაში მოეწყო სასმელი წყლის ჭაბურღილი. პროექტით გათვალიწინებული სამუშაოების ფარგლებში, ჭაბურღილიდან - რეზერვუარამდე გაყვანილი იქნა წყლის მაგისტრალი და დაიდგა საქლორატორო.

დასრულებულ სამუშაოებს, ადგილზე გაეცნენ პარლამენტში მარნეულისა და გარდაბნის მაჟორიტარი დეპუტატი ზაურ დარგალი, მერის მოვალეობის შემსრულებელი ზაურ ტაბატაძე, საკრებულოს თავმჯდომარე ამირან გიორგაძე და მერის მოადგილე კენან ომაროვი.

პროექტების მონახულების შემდგომ ხელმძღვანელი პირები ადგილობრივებსაც გაესაუბრნენ და მიმდინარე ეტაპზე მათ საჭიროებებს გაეცნენ.

იხილეთ ვიდეო