სოფელ ხულდარაში რეკრეაციული სივრცის მოწყობისთვის, შესაბამისი ღონისძიებების გატარება აქტიურად მიმდინარეობს

• 2021-04-03 15:13:40

მარნეულის მუნიციპალიტეტის სოფელ ხულდარაში, სტიქიური ნაგავსაყრელის განთავსების ადგილი დასუფთავდა და ადგილზე, რეკრეაციული სივრცის მოწყობისთვის, შესაბამისი ღონისძიებების გატარება აქტიურად მიმდინარეობს.

ეკო ინიციატივა, ადგილობრივ ახალგაზრდებს ეკუთვნით, რომლებმაც პროექტ „დავიცვათ გარემო, დავიცვათ ჩვენი მომავალი“- ის ფარგლებში, აღნიშნულ ტერიტორიაზე, ადგილობრივი მოსახლეობის ჩართულობით სხვადასხვა ეკო ღონისძიებები გაატარეს.

აღნიშნული აქტივობები - ქალთა ფონდი საქართველოში და ადგილობრივი თვითმმართველობის მხარდაჭერით მიმდინარეობს.

ადგილობრივ ახალგაზრდებთან ერთად, ტერიტორიის გამწვანების სამუშაოებში მონაწილეობა მერის მოადგილე, ლაშა ლობჯანიძემ, მერის თანაშემწე ადილ ალიევმა, საკრებულოს დეპუტატმა როვშან ისკანდაროვმა და მერიის სოციალური სამსახურის უფროსმა, გიორგი მეურმიშვილმა მიიღო.