ევროსაბჭოს გენერალური მდივნის 25-ე კონსოლიდირებული ანგარიშის მოსამზადებელი შეხვედრა

• 2022-02-01 16:41:18

ევროპის საბჭოს გენერალური მდივნის 25-ე კონსოლიდირებული ანგარიშის მოსამზადებელ შეხვედრასთან დაკავშირებით თამარ გაბუნიამ და ილია ღუდუშაურმა ევროპის საბჭოს პოლიტიკურ საკითხთა დეპარტამენტის პოლიტიკურ მრჩევლთან მაქსიმ ლონგანგესთან შეხვედრა გამართეს.

გენერალური მდივნის კონსოლიდირებული ანგარიში 2021 წლის ოქტომბრიდან 2022 წლის მარტის ჩათვლით პერიოდს მოიცავს და აღწერს ოკუპირებულ და მის მიმდებარე ტერიტორიებზე ბოლო დროს განვითარებული მოვლენებს, კონფლიქტში არსებული მხარეების მიერ ვალდებულებების შესრულებასა და კონფლიქტის ტერიტორიაზე არსებული სიტუაციას ადამიანის უფლებების კუთხით.

მნიშვნელოვანია, რომ გენერალური მდივნის ანგარიში ყურადღებას ამახვილებს საქართველოს მთავრობის სამშვიდობო ინიციატივებზე და ოკუპირებულ რეგიონებში მცხოვრები მოსახლეობისთვის ჯანდაცვის და სხვა სოციალური დახმარების შესაძლებლობების შესაქმენლად მიმართულ ძალისხმევაზე, მათ შორის, COVID-19 პაციენტების სამედიცინო ევაკუაციისა და მკურნალობისკენ გადადგმულ ნაბიჯებზე.

აღნიშნული ევროპის საბჭოს გენერალური მდივნის 25-ე ანგარიშის განხილვა 2022 წლის გაზაფხულზე, ევროპის საბჭოს მინისტრთა მოადგილეების შეხვედრაზე მოხდება.

კონსოლიდირებული ანგარიშის მომზადების მიზნით, ევროპის საბჭოს სამდივნოს თანამშრომლების ვიზიტი საქართველოში წელიწადში ორჯერ, გაზაფხულზე და შემოდგომაზე ხორციელდება.