2020 წელს ბოლნისის მუნიციპალიტეტმა სოციალურად დაუცველ და მოწყვლადი კატეგორიის 34 ოჯახს სახლის სახურავები სრულად შეუცვალა
- 2020-12-27 18:30:22
2020 წელს ბოლნისის მუნიციპალიტეტმა სოციალურად დაუცველ და მოწყვლადი კატეგორიის 34 ოჯახს სახლის სახურავები სრულად შეუცვალა.
ბოლნისის მუნიციპალიტეტი ყოველწლიურად სოციალურად დაუცველ და მოწყვლადი კატეგორიის ოჯახებს სახლის დაზიანებულ სახურავებს უცვლის. წელს ამ პროგრამით, მუნიციპალიტეტის მასშტაბით, 34-მა სოციალურად დაუცველმა ოჯახმა ისარგებლა.
სოციალურად დაუცველი ოჯახებისთვის სახლის სახურავების შეცვლის სამუშაოებისთვის 2020 წელს მუნიციპალიტეტმა ადგილობრივი ბიუჯეტიდან 559 400 ლარი გამოყო.
აღსანიშნავია, რომ 2016-2020 წლებში საერთო ჯამში, ბოლნისის მუნიციპალიტეტმა დაზიანებული სახლის სახურავები სოციალურად დაუცველ 214 ოჯახს შეუცვალა, რისთვისაც ადგილობრივი ბიუჯეტიდან 1 646 949 ლარი დაიხარჯა.
მსგავსი პოსტები
პოპულარული პოსტები
