ლანჩხუთის მუნიციპალიტეტის ადგილობრივი ხელისუფლების პირველმა პირებმა მეორე მსოფლიო ომის ვეტერანები მოინახულეს. მათ დამდეგი ახალი წელი მიულოცეს და საახალწლო ნობათები გადასცეს

• 2020-12-25 18:31:29

დღეს ლანჩხუთის მუნიციპალიტეტის ადგილობრივი ხელისუფლების პირველმა პირებმა მეორე მსოფლიო ომის ვეტერანები მოინახულეს. მათ დამდეგი ახალი წელი მიულოცეს და საახალწლო ნობათები გადასცეს.

ალექსანდრე სარიშვილის თქმით, ვეტერანები განსაკუთრებულად დასაფასებელი ხალხია, რადგან დიდია მათი ღვაწლი ჩვენ წინაშე: "მინდა მივულოცო მათ დამდეგი ახალი წელი და ჯანმრთელობა ვუსურვო".

დღესვე ალექსანდრე სარიშვილი, საკრებულოს თავმჯდომარე ბესიკ ტაბიძე და მერის მოადგილე ეკატერინე გუჯაბიძე სოციალურად დაუცველ მრავალშვილიან ოჯახებს ესტუმრნენ.

უნდა ითქვას, რომ მუნიციპალიტეტი პანდემიის დაწყების დღიდან ახორციელებს მოწყვლადი ოჯახების სასურსათო პროდუქტებით დახმარების აქციას. დღესაც მრავალშვილიან ოჯახებს სასურსათო პროდუქტები გადაეცათ, საახალწლო ტკბილეულთან ერთად.

ადგილობრივი ხელისუფლების წარმომადგენლებმა ახალი წელი მიულოცეს მასპინძლებს და ბედნიერება უსურვეს.

აღსანიშნავია, რომ დახმარების აქციას მუნიციპალიტეტის მერია მომავალშიც გააგრძელებს.