ქუთაისის საერთაშორისო უნივერსიტეტში ადრონული თერაპიის ცენტრის პროექტირება დაიწყო.
ქუთაისის მერი იოსებ ხახალეიშვილი, ფონდ „ქართუს“ პროექტების მენეჯერ ვახტანგ ცაგარელთან ერთად, უნივერსიტეტში მსოფლიოს ერთ-ერთი წამყვანი არქიტექტურული ბიუროს „IDOM”-ის (ესპანეთი) და სიმსივნური დაავადებების პროტონული თერაპიის მეშვეობით სამკურნალო საშუალებების მწარმოებელი ლიდერი კომპანია "IBA“-ს (ბელგია) წარმომადგენლებს შეხვდა, რომლებიც KIU-ს ადრონული თერაპიის ცენტრის შექმნასა და აღჭურვაზე მუშაობენ.
„მნიშვნელოვანი და საინტერესო შეხვერდა გვქონდა ქუთაისის საერთაშორისო უნივერსიტეტში , ადრონული თერაპიის ცენტრის სამუშაო ჯგუფთან - ესპანელ და ბელგიელ სპეციალისტებთან. ვისაუბრეთ როგორც ცენტრის პერსპექტივებზე, ასევე უნივერსიტეტისა და ქალაქის თანამშრომლობაზე - საგანამანათლებლო, სამეცნიერო და ჯანდაცვის მიმართულებებით. უდიდესი შენაძენია ჩვენი ქალაქისთვის ქუთაისის საერთაშორისო უნივერსიტეტი და ადრონული თერაპიის ცენტრი, რომელიც საქართველოს სიმსივნური დავადებების მკურნალობის ჰაბად აქცევს რეგიონში. “ - განაცხადა იოსებ ხახალეიშვილმა.
ციკლოტრონის ტიპის ამაჩქარებლების საშუალებით, რომლებიც ქუთაისის საერთაშორისო უნივერსიტეტის სამეცნიერო-კვლევით და სამედიცინო ცენტრებში განთავსდება, შესაძლებელი გახდება ონკოლოგიური დაავადებების თანამედროვე მეთოდებით მკურნალობა.
2022-02-11 11:55:53
2022-02-12 12:15:48
2022-02-15 12:10:15
2022-02-11 10:50:36
2022-02-14 14:50:42
2022-02-14 14:55:02
ვებ გვერდის მიზანია COVID-19-ის გავრცელებით გამოწვეული პანდემიის შედეგების შესამსუბუქებლად საქართველოს მუნიციპალიტეტებში განხორციელებული ღონისძიებების და ინიციატივების, ასევე საუკეთესო საერთაშორისო გამოცდილების შესახებ ინფორმაციის მიწოდება.
ვებ-გვერდი შექმნილია გაეროს განვითარების პროგრამის (UNDP), შვეიცარიის განვითარებისა და თანამშრომლობის სააგენტოს (SDC), ავსტრიის განვითარების თანამშრომლობისა (ADC) და საქართველოს მთავრობის მხარდაჭერით. ვებ-გვერდში გამოთქმული მოსაზრებები შეიძლება არ ასახავდეს ზემოთ ჩამოთვლილი საერთაშორისო ორგანიზაციების მოსაზრებებს.
© 2020 საავტორო უფლებები დაცულია. ადგილობრივი და რეგიონული განვითრების მხარდაჭერა საქართველოში.