მთავრობის განკარგულებით, სოფლის მხარდაჭერის პროგრამის განსახორციელებლად, ქვეყნის მასშტაბით 40 472 000 მილიონი ლარი განისაზღვრა

• 2021-02-05 18:23:16

მთავრობის განკარგულებით, სოფლის მხარდაჭერის პროგრამის განსახორციელებლად, ქვეყნის მასშტაბით 40 472 000 მილიონი ლარი განისაზღვრა.

წელს ლაგოდეხის მუნიციპალიტეტში აღნიშნული პროგრამის განხორციელებისათვის 930 000 ლარი გამოიყო. სოფლებში შეხვედრები, საერთო კრების ფორმატში, 8 თებერვლიდან, ღია სივრცეში დაიწყება და მუნიციპალიტეტის 67 სოფელში ეტაპობრივად ჩატარდება.

სასმელი წყლის და სარწყავი სისტემების მოწყობა, სანიაღვრე არხების მოწესრიგება, ნაპირსამაგრი სამუშაოები, გზები და გზისპირა მოსაცდელები, ხიდები, ცხაურები, ხიდ-ბოგირები, გადასასვლელები, გარე განათების ქსელის მოწყობა, სკოლების მიმდებარე ტერიტორიის კეთილმოწყობა, სკოლამდელი დაწესებულებები და შესაბამისი ინვენტარით უზრუნველყოფა, სპორტული ინფრასტრუქტურა, მოედნების ინვენტარი, სკვერები და სველი წერტილების მოწყობა - ეს იმ პროექტების ჩამონათვალია, რომელიც პროგრამის ფარგლებში შესაძლებელი იქნება სხვადასხვა სოფელში განხორციელდეს.

„სოფლის მხარდაჭერის პროგრამა სოფელში არსებული პრობლემების მოსაგვარებლად ხორციელდება და მოსახლეობასა და თვითმმართველობის ორგანოთა შორის ურთი¬ერთობის გაუმჯობესებას და სოფლად არსებული პრობლემების აღმოფხვრას ისახავს მიზნად. ყველა სოფელში პროექტის დაგეგმვის პერიოდში აუცილებლად იქნება გათვალისწინებული ადგილობრივი მოსახლეობის სურვილები და კონსულტაციები“ - განაცხადა ლაგოდეხის მერმა ჯონდო მდივნიშვილმა.