ზესტაფონის მუნიციპალიტეტში COVID 19 - ის საწინააღმდეგო ვაქცინაციის პროცესი დაიწყო

• 2021-03-17 14:15:32

ზესტაფონის მუნიციპალიტეტში COVID 19 - ის საწინააღმდეგო ვაქცინაციის პროცესი დაიწყო.

კორონავირუსის საწინააღმდეგო ვაქცინაციის პროცესი, კლინიკა „ჯეო ჰოსპიტალსის“ სამედიცინო ამბულატორიაში მიმდინარეობს. ზესტაფონში, პირველი ვაქცინა საჯაროდ „ჯეო ჰოსპიტალსის“ ექიმმა გაიკეთა.

COVID 19 - ის საწინააღმდეგო ვაქცინაციას, პირველ ეტაპზე ჯანდაცვის სექტორში დასაქმებული ყველა პირი ექვემდებარება.

შვედურ-ბრიტანული კომპანიის მიერ წარმოებული, COVID-19-ის საწინააღმდეგო ვაქცინის „ასტრაზენეკას“ პირველი პარტიის 43 200 დოზა თბილისის საერთაშორისო აეროპორტში 13 მარტს ჩამოვიდა.

„ასტრაზენეკას“ ვაქცინას ჯანმრთელობის მსოფლიო ორგანიზაციის მიერ მინიჭებული აქვს გადაუდებელი მოხმარებისთვის ავტორიზაცია და საქართველოში კანონმდებლობით დადგენილი წესით, მას მიცემული აქვს ჯანდაცვის სამინისტროსა და ეროვნული მარეგულირებელი სააგენტოს მიერ ქვეყანაში იმპორტისა და გამოყენების უფლება.

აცრა ნებაყოფლობითია!

რეგისტრაციის პორტალი: https://booking.moh.gov.ge/

რეგისტრაციის ინსტრუქცია: https://fb.watch/4c2mI8hKtj/