ამირან გამყრელიძის განცხადებით, დღეისათვის ქვეყანაში კორონავირუსის 17 „კლასტერია“ და ყველა წვეულებებსა და სუფრას უკავშირდება

• 2021-04-12 13:29:41

“საქართველოში კორონავირუსზე აცრილი 20 600-ზე მეტი ადამიანიდან გვერდითი მოვლენა 34 შემთხვევაში გამოვლინდა”, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ ბრიფინგზე განაცხადა.

მისი თქმით, 7 უფრო მძიმე იყო, დანარჩენი – შედარებით, ნაკლებად მძიმე.

„მოგეხსენებათ, ჩვენთან არის იმუნიზაციის შემდგომი გართულებებისა და გვერდითი მოვლენების აღნუსხვის შესაბამისი კომიტეტი. დადგენილია სპეციალური ფორმა, რომელსაც ავსებენ სამედიცინო დაწესებულებები, თუ ასეთი მოვლენა აღინუსხება. ამ დროისთვის, ოფიციალურად, აღნუსხულია 34 გვერდითი მოვლენა. მათგან 7 უფრო მძიმე იყო, დანარჩენი – შედარებით, ნაკლებად მძიმე“, – აღნიშნა ამირან გამყრელიძემ.

დღევანდელი დილის მონაცემებით, ქვეყენაში აცრილია 20 622 ადამიანი, გუშინ 928 ადამიანი აიცრა, ბოლო 1 კვირის განმავლობაში კი საშუალო რაოდენობა 1200-ის ფარგლებშია.

წყარო : kvira.ge