ევროსაბჭომ COVID-სერტიფიკატების მფლობელებისთვის მოგზაურობაზე შეზღუდვები მოხსნა

• 2021-06-14 12:49:09

ევროპარლამენტმა ევროკავშირში ვაქცინაციის სერტიფიკატების შემოღება 9 ივნისს დაამტკიცა. სისტემა უნდა ამოქმედდეს 1 ივლისამდე. დოკუმენტი უნდა გაიცეს უფასოდ, ციფრული ან ქაღალდის ფორმატით და იგი იქნება იმის დასტური, რომ მისი მფლობელი აიცრა კორონავირუსის წინააღმდეგ, ცოტა ხნის წინ მიიღო ტესტის უარყოფითი შედეგი, ან უკვე გამოჯანმრთელდა ვირუსისგან.

ვაქცინაციის სერტიფიკატების მფლობელებს, რომლებიც გაცემულია ევროკავშირის რეგულაციების შესაბამისად, არ უნდა ჩაუტარდეთ ტესტირება ან არ უნდა გაიარონ კარანტინი, თუ მათ დაასრულეს ვაქცინაციის ყველა საჭირო ეტაპი, რომელიც დამტკიცებულია ევროპის წამლების სააგენტოს (EMA) მიერ მინიმუმ 14 დღის წინ.

სერტიფიკატების მფლობელებისთვის, რომლებიც გამოჯანმრთელდნენ კორონავირუსისგან და ვირუსზე დადებითი პასუხის მიღებიდან მინიმუმ 180 დღეა გასული, ასევე არ არის აუცილებელი ტესტირებისა და კარანტინის გავლა.

სერტიფიკატის მისაღებად, თქვენ უნდა გაიაროთ ვაქცინაცია ევროპის მარეგულირებლის მიერ დამტკიცებული რომელიმე ვაქცინით. EMA-მ დაამტკიცა მხოლოდ ოთხი ვაქცინა – Pfizer/BioNTech, Moderna, AstraZeneca და Janssen.

წყარო : ipress.ge