ტექნიკური უნივერსიტეტის მეექვსე კორპუსში მასობრივი ვაქცინაციის სივრცე გაიხსნა

• 2021-08-13 22:08:56

ტექნიკური უნივერსიტეტის მეექვსე კორპუსში მასობრივი ვაქცინაციის სივრცე გაიხსნა.

იმუნიზაციის ცენტრი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გიორგი წოწკოლაურმა დაათვალიერა და ვაქცინაციის პროცესს ადგილზე გაეცნო.

ცენტრმა ფუნქციონირება დილის 10 საათიდან დაიწყო და მოსახლეობის აქტივობა საკმაოდ მაღალია.

მასობრივი ვაქცინაციის ცენტრში იმუნიზაცია სამი ვაქცინით: „ფაიზერით“, „სინოვაკითა“ და „სინოფარმით” არის შესაძლებელი.

სასურველი ვაქცინის მისაღებად წინასწარი რეგისტრაციის გავლა საჭირო არ არის.

იმუნიზაციის სივრცე ყოველ დღე მუშაობს, მათ შორის შაბათ-კვირასაც.

მსურველებს სასურველი ვაქცინის მიღება დილის 10:00-დან 20:00 საათამდე შეეძლებათ.

მასობრივი ვაქცინაციის ცენტრი სააკაძის მოედანთან, კოსტავას N77-ში მდებარეობს.

იხილეთ ვიდეო