ბაღდათის მუნიციპალიტეტის საბავშვო ბაღებში სასწავლო პროცესი რეკომენდაციების სრული დაცვით დაიწყო

• 2020-10-12 19:52:16

ბაღდათის მუნიციპალიტეტის საბავშვო ბაღებში  2020-2021 წლის სასწავლო პროცესი დაიწყო.

პანდემიის გამოცხადებიდან შვიდთვიანი პაუზის შემდეგ, ახალი სასწავლო წელი საბავშვო ბაღებში, ჯანდაცვის სამინისტროს რეგულაციების თანახმად, ყველა წესის დაცვით მიმდინარეობს.

სკოლამდელი აღზრდის დაწესებულებებს ჩუტარდა სადეზინფექციო სამუშაოები, ყოველდღიურად ხდება ბაღების სველი წესით დამუშავება და მიმდინარეობს თერმოსკრინინგი, როგორც აღსაზრდელების, ასევე თანამშრომლების.

საბავშვო ბაღების სასწავლო პროცესს დღეს მერის პირველი მოადგილე კახა ენუქიძე, ა.(ა).ი.პ. სკოლამდელი და სკოლის გარეშე დაწესებულებათა გაერთიანების მმართველთან თამილა ფაიქიძესთან, საკრებულოს დეპუტატ ირინა ტყეშელაშვილთნ და მერიის განათლების, კულტურისა და ახალგაზრდულ საქმეთა სამსახურის უფროს ნინო მშვილდაძესთან ერთად გაეცნო.

იხილეთ ფოტო გალერეა