სამტრედიის მუნიციპალიტეტში, UNDP-სა და დანიის მთავრობის ხელშეწყობით, თავშესაფარს დახმარების სახით გადაეცა სადეზინფექციო ხსნარები, პირბადეები, სამედიცინო და საყოფაცხოვრებო აღჭურვილობა

• 2020-12-19 18:40:45

დღეს, UNDP-ის ხელმძღვანელმა, ლუიზა ვინტონმა, მუნიციპალიტეტის მერმა, ვალერი ფოცხვერიამ, ხონისა და სამტრედიის ეპარქიის მმართველმა, მეუფე საბამ და პრემიერ-მინისტრის მრჩეველმა ადამიანის უფლებებისა და გენდერული თანასწორობის საკითხებში, ლელა აქიაშვილმა მოხუცთა თავშესაფარი მოინახულეს.

UNDP-სა და დანიის მთავრობის ხელშეწყობით, თავშესაფარს დახმარების სახით გადაეცა სადეზინფექციო ხსნარები, პირბადეები, სამედიცინო და საყოფაცხოვრებო აღჭურვილობა.

დახმარება 14 მიუსაფარი და ხანდაზმული ადამიანის საცხოვრებელი პირობების გაუმჯობესებას მოხმარდება.

მუნიციპალიტეტის მერმა, ვალერი ფოცხვერიამ, UNDP-ს და დანიის მთავრობას მადლობა გადაუხადა აღნიშნული აქტივობისთვის და მომავალშიც სხვადასხვა მიმართულებით აქტიური თანამშრომლობის მზაობა გამოთქვა.

იხილეთ ვიდეო