ახმეტა-თელავი-ბაკურციხის საავტომობილო გზის 15,5 კმ-იან მონაკვეთზე სამშენებლო სამუშაოები დასრულების ეტაპზეა

• 2021-06-08 11:05:51

ახმეტა-თელავი-ბაკურციხის საავტომობილო გზის 15,5 კმ-იან მონაკვეთზე სამშენებლო სამუშაოები დასრულების ეტაპზეა.

ამ ეტაპზე, 13 კმ-იან მონაკვეთზე სამუშაოები დასრულებულია, დარჩენილ 2.5 კმ-ზე სახიდე გადასასვლელის, ხელოვნური ნაგებობებისა და ასფლატ-ბეტონის საფარის საფუძვლის მოწყობა მიმდინარეობს.

გურჯაანი-ბაკურციხის შემოვლითი გზა, ახმეტა-თელავი-ბაკურციხის გზას დააკავშირებს თბილისი-ბაკურციხე-ლაგოდეხის გზასთან.

ავტოტრანსპორტს, საჭიროების გარეშე, აღარ მოუწევს გავლა ქალაქ გურჯაანსა და გურჯაანის მუნიციპალიტეტის სოფლებში: ბაკურციხე, კოლაგი, ძირკოკი, ჭანდარი, ვეჯინი და ჩუმლაყი.

პროექტის დასრულების შემდეგ მნიშვნელოვნად შემცირდება მგზავრობის დრო და ხარჯები.

პროექტი მსოფლიო ბანკის დაფინანსებით ხორციელდება და მისი ღირებულება 38 000 000 მილიონი ლარია.

იხილეთ ვიდეო