ხობში მასობრივი ვაქცინაცია მიმდინარეობს

ხობში მასობრივი ვაქცინაცია მიმდინარეობს

  • 2021-08-18 15:50:07

ხობის მუნიციპალიტეტის ადმინისტრაციულ ერთეულებში covid 19-ის საწინააღმდეგო ვაქცინაციის პროცესი ეტაპობრივად მიმდინარეობს. ინფორმაციას ხობის მერია ავრცელებს.

“ვაქცინაცია კლინიკა ,,მკურნალისა“ და ამბულატორიული ცენტრი “პულსის“ გადამზადებულმა მედიკოსებმა, უბნის ამბულატორიის მედპერსონალთან ერთად, ამჯერად საგვიჩიოსა და ხამისკურში ჩაატარეს.
მოსახლეობის ვაქცინაცია ადგილზე რეგისტრაციით მიმდინარეობს.
ვაქცინაციის პროცესს, ხობის მუნიციპალიტეტის მერიის შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი – შოლინა კანკია ესწრებოდა.
ადმინისტრაციული ერთეულების ამბულატორიებში ყველა პირობაა შექმნილი ადგილზე მოქალაქეთა უსაფრთხო და ეფექტური ვაქცინაციისთვის. მოქალაქეები იცრებიან ჯანმრთელობის მსოფლიო ორგანიზაციის მიერ ავტორიზებული ვაქცინებით.
19 აგვისტოს ვაქცინაცია თორსის ადმინისტრაციულ ერთეულში განხორციელდება. ამცრელი ჯგუფები ყველა ადმინისტრაციულ ერთეულში გააგრძელებენ ვაქცინაციას”, – ნათქვამია ინფორმაციაში.

მსგავსი პოსტები