სოფელ არაგვისპირში სასმელი წყლის ქსელის რეაბილიტაცია მიმდინარეობს
- 2021-09-16 14:16:18
სოფელ არაგვისპირში სასმელი წყლის ქსელის რეაბილიტაცია მიმდინარეობს.
პროექტის ფარგლებში ეწყობა რეზერვუარები, საქლორატორო სისტემა, წყალმომარაგების გამანაწილებელი ქსელი, წყლის მიმღები სათავე ნაგებობა, ცენტრალური მაგისტრალი და სხვა.
პროექტის სახელშეკრულებო ღირებულება 3 მილიონ ლარს აღემატება, სამუშაოებს კი შპს "ნდს მშენებლობა" ახორციელებს.
აღსანიშნავია, რომ პროექტის დასრულების შემდეგ სოფელ არაგვისპირში მუდმივად მცხოვრები 500-მდე ოჯახი სუფთა, სასმელად ვარგის წყალს მიიღებს.
მიმდინარე სარეაბილიტაციო სამუშაოებს მონიტორინგის მიზნით ადგილზე გაეცნენ მცხეთა-მთიანეთის სახელმწიფო რწმუნებული დავით ნოზაძე და დუშეთის მუნიციპალიტეტის მერის პირველი მოადგილე ბესიკ ბიჩნიგაური.
მსგავსი პოსტები
პოპულარული პოსტები
