ხობის მუნიციპალიტეტის ნოჯიხევის ადმინისტრაციული ერთეულის, სოფელ ნოჯიხევში ადგილობრივი ბიუჯეტის დაფინანსებით შიდა სასოფლო გზის მოწყობის სამუშაოები მიმდინარეობს

• 2020-12-23 11:43:03

ხობის მუნიციპალიტეტის ნოჯიხევის ადმინისტრაციული ერთეულის, სოფელ ნოჯიხევში ადგილობრივი ბიუჯეტის დაფინანსებით შიდა სასოფლო გზის მოწყობის სამუშაოები მიმდინარეობს.

პრობლემურ მონაკვეთზე დაიგო ცემეტო-ბეტონის საფარი და მიმდინარეობს სანიაღვრე არხის რეაბილიტაცია.

პროექტს რომლის სახელშეკრულებო ღირებულება 29 760 ლარია, შპს ,,შარა-გზამშენი პირველი“ ახორციელებს.

მიმდინარე სამუშაოები ხობის მუნიციპალიტეტის მერმა გოჩა ქაჯაიამ და საკრებულოს თავმჯდომარემ ედიშერ ჯობავამ ადმინისტრაციული ერთეულის წარმომადგენელთან და საკრებულოს დეპუტატთან ერთად დაათვალიერეს.

მოსახლეობის უმთავრესი პრობლემა მოგვარებულია, მათი თხოვნა იყო აღნიშნული გზის მოწესრიგება, რადგან ამორტიზებულ გზაზე უწევდათ გადაადგილება და უხვი ნალექის შემთხვევაში საცხოვრებელ სახლები იტბორებოდა.

სოფელ ნოჯიხევში ასევე მოეწყო ხიდ ბოგირი და რკინა ბეტონის სანიაღვრე არხი, რომლის სახელშეკრულებო ღირებულებამ 41167 ლარი შეადგინა.