მცხეთა-მთიანეთის რეგიონში სოციალური დახმარების აქცია გრძელდება

• 2021-01-05 16:33:01

მცხეთა-მთიანეთის რეგიონში, დუშეთის მუნიციპალიტეტში გამყოფი ხაზის სოფლებში მცხოვრები ობოლი და შშმ ბავშვების სოციალური დახმარების აქცია გრძელდება.

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი, მცხეთა-მთიანეთის მხარის სახელმწიფო რწმუნებულის მოვალეობის შემსრულებელთან მანანა (მაცაცო) ნარიმანიძესთან და დუშეთის მუნიციპალიტეტის მერთან ზურაბ სეხნიაშვილთან ერთად სოფელ ოძისს ესტუმრა. სოფელ ოძისში ვიზიტის ფარგლებში, სახელმწიფო მინისტრმა ობოლ და შეზღუდული შესაძლებლობების მქონე ბავშვებს საკვები პროდუქტებისა და ჰიგიენური საშუალებების კალათები გადასცა. აღნიშნული დახმარების აქცია სახელმწიფო მინისტრის აპარატის ინიციატივით და ორგანიზებით, გაეროს ბავშვთა ფონდის UNICEF-ის მხარდაჭერით ხორციელდება. „დიდი მადლობა მინდა გადავუხადო შერიგებისა და სამოქალაქო თანასწორობის საკითხებში სახელმწიფო მინისტრს თეა ახვლედიანს და UNICEF-ის ხელმძღვანელობას გაწეული დახმარებისთვის. ჩვენ მოვინახულეთ საზღვრისპირა სოფლებში მცხოვრები შშმ პირები, მარტოხელა მოხუცები, მრავალშვილიანი ოჯახები და ობოლი ბავშვები. მათ სააახალწლოდ გადავეცით ტკბილეული,სურსათი და ჰიგიენური საშუალებები. მოქალაქეებმა უნდა იგრძნონ, რომ სახელმწიფო მუდმივად მათ გვერდით არის,“- განაცხადა მანანა (მაცაცო)ნარიმანიძემ.

იხილეთ ვიდეო