ამბროლაურის მუნიციპალიტეტმა გრანტი მოიპოვა
- 2021-01-23 17:33:34
ამბროლაურის მუნიციპალიტეტმა გრანტი მოიპოვა.
ამბროლაურის მუნიციპალიტეტმა მონაწილეობა მიიღო „გაეროს განვითარების პროგრამა საქართველოში (UNDP)“- ის მიერ გამოცხადებულ საგრანტო კონკურსში, სადაც წარადგინა საპროექტო წინადადება - „ადგილობრივი ბიზნესის განვითარების ხელშეწყობის მიზნით სკვერების რეაბილიტაცია ამბროლაურში“.
აღნიშნული საპროექტო წინადადება დადებითად შეფასდა UNDP-ის მიერ და ამბროლაურის მერიასა და აღნიშნულ ორგანიზაციას შორის დაიდო ხელშეკრულება პროექტის თანადაფინანსებაზე 137 000 ლარის ოდენობით.
პროექტის ფარგლებში დაგეგმილია ვაჟა-ფშაველასა და კოსტავას ქუჩების მიმდებარედ არსებული 2 სკვერის რეაბილიტაცია და საგამოფენო სივრცეების შექმნა, სადაც ადგილობრივ მცირე მეწარმეებს საშუალება მიეცემათ საკუთარი პროდუქცია უფრო ფართო საზოგადოებას გააცნონ და მეტად მოახდინონ საკუთარი თავის რეალიზაცია.
მსგავსი პოსტები
პოპულარული პოსტები
