ქალაქ მარტვილისა და ნალეფსაოს დამაკავშირებელი ხიდის სამშენებლო სამუშაოები აქტიურად მიმდინარეობს
- 2021-01-29 15:33:34
მარტვილის მუნიციპალიტეტში, ქალაქ მარტვილისა და ნალეფსაოს დამაკავშირებელი ხიდის სამშენებლო სამუშაოები აქტიურად მიმდინარეობს.
პროექტის ფარგლებში შენდება ახალი, თანამედროვე სტანდარტების შესაბამისი 90 მეტრიანი ხიდი.
პროექტი საქართველოს რეგიონებში განსახორციელებელი პროექტების ფონდისა და ადგილობრივი მუნიციპალიტეტის დაფინანსებით ხორციელდება.
აქამდე არსებული ხიდი ავარიული იყო და მოსახლეობას გადაადგილებისას საფრთხეს უქმნიდა.
სამშენებლო სამუშაოები მიმდინარე წლის მაისში დასრულდება.
მარტვილში კიდევ სამი ხიდის მშენებლობა მიმდინარეობს. 2013 წლიდან დღემდე მუნიციპალიტეტში აშენდა და რეაბილიტირდა 36 ხიდი.
მსგავსი პოსტები
პოპულარული პოსტები
