დუშეთის მუნიციპალიტეტის სოფელ პირმისაანთკარში საჯარო სკოლის რეაბილიტაციის პროცესი აქტიურ რეჟიმში მიმდინარებს

• 2021-02-06 12:08:15

დუშეთის მუნიციპალიტეტის სოფელ პირმისაანთკარში საჯარო სკოლის რეაბილიტაციის პროცესი აქტიურ რეჟიმში მიმდინარებს.

ტენდერში გამარჯვებული კომპანია ამ დროისთვის შენობის როგორც შიდა ასევე გარე პერიმეტრზე აწარმოებს აქტიურად სამუშაოებს. დაწესებულება 1962 წელს შევიდა ექსპლუატაციაში სწორედ ამიტომ, სიძველიდან გამომდინარე შენობა საფუძვლიან რეაბილიტაციას საჭიროებს.

სკოლა საერთაშორისო სტანდარტების შესაბამისად მოეწყობა და სრულად იქნება ადაპტირებული შეზღუდული შესაძლებლობის მქონე პირებისთვის. მოეწყობა საკლასო ოთახები, საპირფარეშოები, სპორტული მოედნები და კეთილმოეწყობა ეზოს ტერიტორია. ასევე, დამონტაჟდება გათბობის, წყალსადენის და კანალიზაციის სისტემები.

მიმდინარე სამშენებლო სამუშაოები მცხეთა-მთიანეთის მხარის სახელმწიფო რწმუნებულის მოვალეობის შემსრულებელმა მანანა (მაცაცო) ნარიმანიძემ, დუშეთის მუნიციპალიტეტის მერის პირველ მოადგილესთან ბესიკ ბიჩნიგაურთან, დუშეთის მუნიციპალიტეტის საგანმანათლებლო რესურსცენტრის ხელმძღვანელთან დავით ოსეფაშვილთან და მშენებელი კომპანიის წარმომადგენლებთან ერთად დაათვალიერა.

სოფელ პირმისანთკარის საჯარო სკოლას მსგავსი სახის სარეაბილიტაციო სამუშაოები არასდროს ჩატარებია, ათეული წლების განმავლობაში მოსწავლეებს და მასწავლებლებს ამორტიზებულ გარემოში უხდებოდათ სწავლა და მუშაობა.