ლენტეხი-ბავარის შიდასახელმწიფოებრივი მნიშვნელობის გზის სარეაბილიტაციო სამუშაოები აქტიურ ფაზაშია

• 2021-04-23 14:07:00

ლენტეხი-ბავარის შიდასახელმწიფოებრივი მნიშვნელობის გზის სარეაბილიტაციო სამუშაოები აქტიურ ფაზაშია.

პროექტის სამუშაოები დღეს რაჭა-ლეჩხუმ ქვემო სვანეთის სახელმწიფო რწმუნებულთან, პაპუნა მარგველიძესთან, ადგილობრივი ხელისუფლების და პროექტის განმახორციელებელი კომპანიის წარმომადგენლებთან ერთად მოვინახულე.

ამ ეტაპისთვის მიმდინარეობს ლენტეხი - ბავარის შიდასახელმწიფოებრივი მნიშვნელობის საავტომობილო გზის, კერძოდ კმ1-კმ7 მონაკვეთის სარეაბილიტაციო სამუშაოები, რომლის ფარგლებში დაგეგმილია, მოეწყოს 18 სმ-ის სისქის და ზოგ ადგილებში მაქსიმუმ 6მ-ის სიგანის ბეტონის საფარი.

აღნიშნული პროექტის განხორციელება გასული წლის 10 დეკემბერს დაიწყო და დასრულება მიმდინარე წლის 30 ნოემბერსაა დაგეგმილი.

პროექტს, რომელიც სახელმწიფო ბიუჯეტიდან ფინანსდება, შპს ‘’აპია’’ ახორცილებს და პროექტის სახელშეკრულებო ღირებულებად 4 944 699 ლარია განსაზღვრული.

ლენტეხი-ბავარის გზა, ამ ორი დასახლებული პუნქტის დამაკავშირებელი ერთადერთი საშუალებაა, შესაბამისად მის გამართულად ფუნქციონირებას დიდი მნიშვნელობა ექნება ადგილობრივი მოსახლეობისთვის.

.