შუახევის მუნიციპალიტეტი გენდერული ძალადობის წინააღმდეგ 16 დღიან კამპანიას შეუერთდა

• 2020-11-25 12:17:53

შუახევის მუნიციპალიტეტის მერია  გენდერული ძალადობის წინააღმდეგ 16 დღიან კამპანიში ჩაერთო.  

,,25 ნოემბერს, გენდერული ძალადობის წინააღმდეგ 16 დღიანი კამპანია დაიწყო, რომელიც 10 დეკემბერს, ადამიანის უფლებათა დაცვის საერთაშორისო დღეს დასრულდება.
კამპანიის ოფიციალური ფერი ნარინჯისფერია, ამიტომ ამ პერიოდში ქალებისა და გოგოების მიმართ ძალადობის წინააღმდეგ მსოფლიოს მასშტაბით გამართულ სხვადასხვა ღონისძიებებში სწორედ ნარინჯისფერი დომინირებს. კამპანია ქალთა მიმართ ძალადობის საკითხებზე საზოგადოების ცნობიერების ამაღლებას და სამოქალაქო კონსოლიდაციის გაძლიერებას ისახავს მიზნად.შუახევის მუნიციპალიტეტის მერია უერთდება ძალადობის წინააღმდეგ გამართულ კამპანიას, რომლის ფარგლებში, 29 ნოემბერს უფლებადამცველ ქალთა საერთაშორისო დღესთან დაკავშირებით, გაიმართება ონლაინ ტრენინგი თემაზე: "შეწყვიტე ძალადობა ქალებისა და გოგონების მიმართ".- ნათქვამია მუნიციპალიტეტის განცხადებაში.