ზუგდიდში 360 დევნილ ოჯახს ბინები გადაეცა

• 2020-12-14 18:55:29

ნგრევად შენობებში მცხოვრები 360 დევნილი ოჯახი, ზუგდიდში ახალაშენებულ კორპუსებში ბინის მფლობელი გახდა.
ამ ეტაპზე სამეგრელოს რეგიონში დევნილთა საცხოვრებელი 68 ნგრევადი შენობა დაიხურა.
დამატებით, ზუგდიდში 600 ოჯახისთვის განკუთვნილი 5 კორპუსის მშენებლობა მიმდინარეობს, სადაც საცხოვრებელ ფართს როგორც ნგრევად ობიექტებში მცხოვრები, ასევე კრიტერიუმების შესაბამისად ყველაზე მაღალი ქულის მქონე იძულებით გადაადგილებული ოჯახები მიიღებენ.
ბინების განაწილების შემდგომ, სამეგრელოს რეგიონში დაიხურება მესამე და მეოთხე კატეგორიის ყველა ნგრევადი შენობა, სადაც დევნილები წლების განმავლობაში უმძიმეს პირობებში ცხოვრობდნენ.
ბოლო 8 წლის განმავლობაში, საქართველოს მასშტაბით, სხვადასხვა პროგრამების ფარგლებში, საცხოვრებელი 22 655 დევნილ ოჯახს გადაეცა და ეს პროცესი მომავალში კიდევ უფრო აქტიურად გაგრძელდება.

იხილეთ ვიდეო