სოფელ საკორნითლოში ობოლ და შეზღუდული შესაძლებლობების მქონე ბავშვებს საკვები პროდუქტებისა და ჰიგიენური საშუალებების კალათები გადაეცა

• 2021-01-05 18:14:34

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი, შიდა ქართლის სახელმწიფო რწმუნებულის მოვალეობის შემსრულებელი სიმონ გულედანი და კასპის მუნიციპალიტეტის მერი ვახტანგ მაისურაძე საოკუპაციო ხაზთან მდებარე სოფელ საკორნითლოში იმყოფებოდნენ და ობოლ და შეზღუდული შესაძლებლობების მქონე ბავშვებს საკვები პროდუქტებისა და ჰიგიენური საშუალებების კალათები გადასცეს. ასევე, ადგილზე იმყოფებოდა საქართველოში UNICEF-ის ხელმძღვანელი ღასან ხალილი.

,,სახელმწიფოსა და საერთაშორისო ორგანიზაციების მჭირდო თანამშრომლობას დიდი მნიშვნელობა აქვს ჩვენი მოქალაქეებისთის, განსაკუთრებით კი საოკუპაციო ხაზთან მცხოვრები მოსახლეობის მხარდაჭერის მიზნით.

მადლობას ვუხდი UNICEF-ის წარმომადგენლობას გამოჩენილი სოციალური პასუხისმგებლობისთვის." აღნიშნა სიმონ გულედანმა.

დახმარების აქცია სახელმწიფო მინისტრის აპარატის ინიციატივით და ორგანიზებით, გამყოფი ხაზის 116-ვე სოფელში, გაეროს ბავშვთა ფონდის UNICEF-ის მხარდაჭერით განხორციელდა.

იხილეთ ვიდეო