სკრის საბავშვო ბაღის შენობას რეაბილიტაცია ჩაუტარდება
- 2021-01-12 12:42:11
სკრის საბავშვო ბაღის შენობას რეაბილიტაცია ჩაუტარდება.
გორის მერიამ სამუშაოების შესყიდვის მიზნით, ტენდერი 5 იანვარს გამოაცხადა.
პროექტის სატენდერო ღირებულება 929 555 ლარია.
ტენდერის პირობების მიხედვით, სამუშაოები ხელშეკრულების გაფორმებიდან 5 თვეში უნდა დასრულდეს.
პროექტი ითვალიწინებს საბავშვო ბაღის შენობის სრულ რეაბილიტაციას. გარდა შენობისა, კეთილმოეწყობა ეზო და ობიექტის მიმდებარედ არსებული შიდა გზები და მოედნები.
სკრის საბავშვო ბაღის შენობა გასული საუკუნის 80-იან წლებში აშენდა. მას დღემდე მსგავსი სახის სარეაბილიტაციო სამუშაოები არ ჩატარებია.
2020 წელს გორის მუნიციპალიტეტში აშენდა ერთი და რეაბილიტირდა 20 სააღმზრდელო დაწესებულება.
მსგავსი პოსტები
პოპულარული პოსტები
