სოფელ ქვემო გომში გრძელდება ახალი საჯარო სკოლის მშენებლობა
- 2021-03-23 12:01:58
კასპის მუნიციპალიტეტის სოფელ ქვემო გომში გრძელდება ახალი საჯარო სკოლის მშენებლობა.
150 მოსწავლეზე გათვლილი საგანმანათლებლო დაწესებულებაში ამ ჟამად შიდა მოპირკეთების სამუშაოები მიმდინარეობს.
სკოლა თანამედროვე სტანდარტებით შენდება და ახალი სასწავლო წლისთვის მზად იქნება.
ახალი საგანმანათლებლო დაწესებულება ხელს შეუწყობს სასწავლო პროცესის გაუმჯობესებას. სკოლა სამი სოფლის ქვემო გომის, ბორტას და ნიაბის მოსწავლეებს მოემსახურება.
სამშენებლო სამუშაოები საქართველოს მუნიციპალური განვითარების ფონდის მიერ ხორციელდება და მისი ღირებულება 2 360 000 ლარია.
მსგავსი პოსტები
პოპულარული პოსტები
